Abstract

• ဤစာတမ်း၏ရည်ရွယ်ချက်မှာ အင်းဝခေတ်စာဆိုရှင်မဟာရဋ္ဌသာရ ရေးဖွဲ့သောပျို့များထဲမှ လောကီ၊ လောကုတ္တုရာအကြောင်းအရ အကျိုးပြုသော အကြောင်းအရာပိုင်းတန်ဖိုးနှင့် အင်းဝခေတ်ပျို့စာပေ၏ အဆင့်အတန်းကို မှတ်တမ်းတင်ကျန်ရစ်စေသော စာဆို၏အရေးအဖွဲ့စွမ်းရည်တို့ကို ဖော်ထုတ် တင်ပြလိုခြင်းဖြစ်ပါသည်။ ပုဂံခေတ်တွင် စတင်ပေါ်ထွန်းခဲ့သော မြန်မာစာပေကိုဆက်လက်ဖွံ့ဖြိုး တိုးတက်လာစေသော စာပေအဖွဲ့ပုံစံများထဲတွင် အင်းဝခေတ်ပျို့ကဗျာများပါဝင်သည်။ ပျို့စာဆိုများ ထဲတွင် စာဆိုရှင်မဟာရဋ္ဌသာရသည် အင်းဝခေတ် လူ့အဖွဲ့အစည်းအတွင်း စိတ်ကောင်း၊ စိတ်မြတ် များ ကိန်းအောင်းစေရန်နှင့် ပညာရေးအသိ၊ ဘာသာရေးအသိ လူမှုရေးအသိ များထွန်းကားလာစေရန် ပျို့ကဗျာများနှင့် စွမ်းဆောင်နိုင်ခဲ့ပုံကို အကြောင်းအရာပိုင်း တန်ဖိုးအဖြစ်တင်ပြပါမည်။ ထို့အပြင် စာပေအရေးအဖွဲ့ ဖွံ့ဖြိုးတိုးတက်လာ ပုံတို့ကိုလည်း အရေးအဖွဲ့ပိုင်း တန်ဖိုးအနေဖြင့် ဆွေးနွေးတင်ပြ သွားပါမည်။