Abstract

• ဤစာတမ်းသည် မြန်မာဘာသာစကား၏ သွင်ပြင်လက္ခဏာ တစ်ရပ်ဖြစ်သော လူငယ်သုံး ဗန်းစကား များကို အတ္တဗေဒနယ်ပယ်မှ အနက်နှင့်အသုံးကိုလေ့လာတင်ပြထားသော စာတမ်းဖြစ်ပါသည်။ လူငယ် သုံးဗန်းစကားများကို လေ့လာဖော်ထုတ်မှတ်တမ်းတင်ရန် ရည်ရွယ်ပါသည်။ လေ့လာတင်ပြရာတွင် လူငယ်သုံးဗန်းစကားများကို တွေ့ဆုံမေးမြန်း ဆွေးနွေးခြင်း၊ အချက်အလက်စုဆောင်း ခြင်းနည်းများ ကို အသုံးပြုခဲ့ပါသည်။ နေ့စဉ်ပြောဆိုသုံးစွဲနေသော လူငယ်သုံးအပြောစကားများကို အလေ့လာ ခံအဖြစ် သတ်မှတ်ပါသည်။ လူငယ်သုံးဗန်းစကားများကို လေ့လာခြင်းဖြင့် လူမျိုး၏ယဉ်ကျေးမှု နောက်ခံနှင့် စရိုက်သွင်ပြင်တို့ကို လည်းကောင်း၊ ဗန်းစကားများ၏ သဘောသဘာဝနှင့်အသုံးပြုပုံကို လည်းကောင်း သိရှိနိုင်ပြီး၊ မြန်မာဘာသာစကားဖွံ့ဖြိုးတိုးတတ်မှုနှင့် မြန်မာဘာသာစကား၏ သွင်ပြင် လက္ခဏာများကို လေ့လာသူများအား အထောက်အကူပြုနိုင်မည်ဖြစ်ပါသည်။