Abstract

• ဤစာတမ်းသည် မြန်မာဘာသာစကား၏ အနက်ဆက်စပ်ခြင်းကို လေ့လာသည့်စာတမ်း ဖြစ်ပါသည်။ မြန်မာဘာသာစကားသည် ဘာသာဗေဒတွင် ဧကဝဏ္ဏဘာသာစကား/တစ်သီးပုဂ္ဂလဘာသာစကား၊ ပူးတွဲဘာသာစကားဖြစ်သည်။ မြန်မာဘာသာစကားတွင် စကားလုံးများဆက်စပ်လျှင် သဒ္ဒါအရ၊ အနက်အရ ဆက်စပ်ကြပါသည်။ စကားလုံးများမည်သို့မည်ပုံ ဆက်စပ်သည်ကို ဘာသာဗေဒ၏ နယ်ပယ်ရှိ အတ္ထဗေဒရှုထောင့်မှ လေ့လာဖော်ထုတ်ခြင်းလည်းဖြစ်ပါသည်။ ဘာသာဗေဒ၏သဒ္ဒါ စပ်ခြင်းသည် အနက်ကိုအခြေခံပြီး လေ့လာဖော်ထုတ်တင်ပြပါမည်။ အတ္ထဗေဒဖြင့်အနက် ဆက်စပ် ခြင်းကို အနက်တူ၊ အနက်ဆန့်ကျင်၊ အနက်အကျုံးဝင်ခြင်းနှင့် အနက်အကျုံးမဝင်ခြင်း စသည်တို့ကို လေ့လာတင်ပြမည်ဖြစ်သည်။ ထိုသို့လေ့လာခြင်းဖြင့် မြန်မာဘာသာစကား၏ အနက်ဆက်စပ်ပုံကို လေ့လာသိရှိနိုင်စေရန် ရည်ရွယ်ပါသည်။