Abstract

• မြန်မာရာမစာပေသည် ရှေးခေတ်အိန္ဒိယရာမာယဏကို မှီး၍ မြန်မာ့ အတွေး အမြင်၊ မြန်မာ့ ဓလေ့စရိုက်များဖြင့် ရေးသားထားသော မြန်မာစာဆို တို့၏ ရာမစာပေများ ဖြစ်ပေသည်။ ယင်းစာပေများအနက် ကုန်းဘောင် ခေတ်တွင် အမည်မသိ စာဆိုရေးသားသော မဟာရာမ ဝတ္ထုတွင်တွေ့ရသည့် ရာမ၊ သီတာ၊ ဒသဂီရိသုံးဦး၏ ဇာတ်ဆောင်စရိုက်အဖွဲ့ တင်ပြပုံများကို လေ့လာ စိစစ်ထားပါသည်။ အဆိုပါ ဇာတ်ဆောင်သုံးဦး၏ အတုယူဖွယ်ရာ စရိုက်၊ ရှောင်ကြဉ်ဖွယ်ရာ စရိုက်၊ လေးစား ကြည်ညိုဖွယ်ရာ စရိုက်များကို မြန်မာ စာဆို၏ စိတ်ကူး၊ အပြောက်အမွမ်းနှင့် ခြယ်သထားပုံတို့ကို ဖော်ထုတ် တင်ပြမည် ဖြစ်ပါသည်။