Abstract

• ဤသုတေသနစာတမ်းသည် စာမဲ့ကာတွန်းများတွင် သင်္ကေတများဖြင့် မည်သို့အနက်ဖွဲ့စည်းပုံနှင့် မည်သို့အနက် ဖော်ဆောင်ကောက်ယူနိုင်ပုံတို့ကို လေ့လာတင်ပြသော စာတမ်းဖြစ်ပါသည်။ လေ့လာ တင်ပြရာတွင် ဘာသာစကား (စာ)ဖြင့် ပံ့ပိုးဖော်ဆောင်မှုမပါရှိသော စာမဲ့ကာတွန်းများတွင် သင်္ကေတ စနစ်နှင့် သင်္ကေတအမျိုးအစားများကို စနစ်တကျပေါင်းဖွဲ့အသုံးပြုလျှက် ကာတွန်းကောင်းများအဖြစ်သို့ ဖွဲ့စည်းတည်ဆောက်ရေးဆွဲကြပုံနှင့် ကြည့်မြင်သူဘက်မှ အနက်ကောက်ယူခံ စားပုံတို့ကို လေ့လာတင်ပြ လိုခြင်းဖြစ်ပါသည်။ ကာတွန်းအနုပညာသည် ကမ္ဘာတဝှမ်းလုံးတွင် နယ်ပယ်စုံတွင်ကျယ်စွာထွန်းကား နေဆဲဖြစ်ကြောင်း၊ လူ့အကျိုးပြု ပညာရပ်တစ်ခု ဖြစ်ကြောင်းနှင့် ကာတွန်းပညာရပ်၏ အတိမ်အနက်ကို လေ့လာသိရှိနိုင်ကြစေရန်ရည်ရွယ်ပါသည်။